വെള്ളം കൊണ്ട് നോമ്പ് തുറന്നാൽ ചെയ്യേണ്ട പ്രാർത്ഥന, മറ്റുകാര്യങ്ങൾ | Ramadan Guide

 

ذَهَبَ الظَّمَأُ، وَابْتَلَّتِ الْعُرُوقُ، وَثَبَتَ الْأَجْرُ إِنْ شَاءَ اللَّهُ

ദാഹം പോയി, ഞരമ്പുകൾ നനഞ്ഞു, പ്രതിഫലം ഉറപ്പാക്കുകയും ചെയ്തു, ഇൻശാഅല്ലാഹ്..

വെള്ളം കൊണ്ടല്ല തുറന്നതെങ്കിലും ഇത് സുന്നത്തുണ്ടെന്ന് ബുജൈരിമിയിൽ കാണാം. ദാഹം നീങ്ങുന്ന സമയമായി എന്നാണുദ്ദേശ്യമെന്നാണ് വിശദീകരണം. 

 (ഫത്ഹുൽ മുഈൻ, ഇആനത്ത്).

▪️  ഈത്തപ്പഴം കൊണ്ട് നോമ്പ് തുറക്കൽ സുന്നത്താണ്. അത് ലഭിക്കാതെ വന്നാല്‍ കാരക്കയും അതും ലഭിക്കാതെ വന്നാല്‍ മൂന്ന് ഇറക്ക് വെള്ളം. ഇപ്രകാരമാണ് സുന്നത്തായ ക്രമം 

▪️ സംസം വെള്ളമാണെങ്കിൽ പോലും മുൻഗണന കൊടുക്കേണ്ടത് ഈത്തപ്പഴത്തിനും കാരക്കക്കുമാണ്. 

▪️ തുറക്കാന്‍ വെള്ളമായാല്‍ മൂന്ന് ഇറക്കും ഈത്തപ്പഴമോ കാരക്കയോ ആണെങ്കില്‍ മൂന്നെണ്ണവും ആകുന്നതും സുന്നത്താണ്.

▪️ വെള്ളം കൊണ്ടാണെങ്കിൽ വേഗം നോമ്പു തുറക്കാൻ സാധിക്കുകയും; കാരക്ക കൊണ്ടാണെങ്കിൽ വൈകുകയും ചെയ്യുന്ന സാഹചര്യത്തിൽ വെള്ളം കൊണ്ട് വേഗത്തിൽ നോമ്പ് തുറക്കുകയാണ് വേണ്ടത്. 

കാരക്കയിൽ ഹറാമിന്റെ കലർപ്പ് ശക്തവും വെള്ളത്തിൽ കുറവുമാണെങ്കിൽ വെള്ളം തന്നെയാണ് അഭികാമ്യം