CLASS 10 FIQH 8 | SKSVB | Madrasa Notes

الطلاق

قال تعالى : يأيها النبي ........ وأحصو العدة
അല്ലാഹു തആല പറഞ്ഞു: ഓ നബിയേ ... നിങ്ങൾ സ്ത്രീകളെ വിവാഹ മോചനം നടത്തുകയാണെങ്കിൽ ഇദ്ധയുടെ കാലം കണക്കാക്കി അവരെ നിങ്ങൾ വിവാഹ മോചനം നടത്തുകയും ഇദ്ധയെ എണ്ണിക്കണക്കാക്കുകയും ചെയ്യുക.

واتقو ا ربكم ....... مبينة
നിങ്ങളുടെ നാഥനായ അല്ലാഹുവിനെ നിങ്ങൾ സൂക്ഷിക്കുക. അവരുടെ വീടുകളിൽ നിന്ന് അവരെ നിങ്ങൾ പുറത്താക്കരുത്. അവർ പുറത്ത് പോകുകയും ചെയ്യരുത്. വ്യക്തമായ വല്ല മോശമായ പ്രവർത്തനം അവർ ചെയ്താലല്ലാതെ .

وتلك حدود الله ........ بعد ذالك امر ا
അതെല്ലാം അല്ലാഹുവിന്റെ അതിർവരമ്പു കളാണ്. അല്ലാഹുവിന്റെ അതിർവരമ്പുകളെ ആരെങ്കിലും ലംഘിച്ചാൽ അവൻ അവന്റെ ശരീരത്തോട് തന്നെ അതിക്രമം കാണിച്ചു. നിനക്കറിയില്ല ! അതിനു ശേഷം അല്ലാഹു എന്തെങ്കിലും കാര്യം പുതുതായി ഉണ്ടാക്കിയേക്കാം

قال رسول الله : ابغض ........ الطلاق
നബി (സ്വ) പറഞ്ഞു: ഹലായ കാര്യങ്ങളിൽ അല്ലാഹുവിന് ഏറ്റവും ദേഷ്യമുള്ളത് ത്വലാഖാണ്.

احكام الطلاق
ത്വലാഖിന്റെ വിധികൾ

الطلاق ............ على الفراق
ത്വലാഖ് എന്നാൽ വേർപിരിയലിന്റെ മേൽ അറിയിക്കുന്ന ഒരു പദം കൊണ്ട് നികാഹ് എന്ന ബന്ധത്തെ വിഛേദിക്കലാണ്

انما يصح ..... مع النية
സ്വയം ഇഷ്ടപ്രകാരം പ്രവർത്തിക്കുന്ന എല്ലാ മുകല്ലഫിൽ നിന്നും വ്യക്തമായ പദം കൊണ്ട് അല്ലെങ്കിൽ നിയ്യത്തോട് കൂടി സൂചന പദം കൊണ്ട് ത്വലാഖ് സ്വഹീഹാകും.

ومن الصريح ............ مطلفة
ത്വലാഖ് ,ഫിറാഖ്, സറാഹ് എന്നിവയിൽ നിന്ന് പിടിക്കപ്പെട്ട എല്ലാ പദങ്ങളും അവയുടെ പരിഭാഷയും വ്യക്തമായ പദത്തിൽ പെട്ടതാണ്. ഉദാ: നിന്നെ ഞാൻ ത്വലാഖ് ചൊല്ലി ( നിന്നെ ഞാൻ ഒഴിവാക്കി ), നീ ത്വലാഖ് ചൊല്ലപ്പെട്ടവളാണ് (നീ ഒഴിവാക്കപ്പെട്ടവളാണ് ).

ومن الكناية ....... أو تركتك
നിന്നെ എനിക്ക് ആവശ്യമില്ല അല്ലെങ്കിൽ നിന്നെ ഞാൻ ഉപേക്ഷിച്ചിരിക്കുന്നു എന്ന് പറയൽ സൂചന പദത്തിൽ പെട്ടതാണ്

ويقع الطلاق ......... بسكره
ത്വലാഖിന്റെ പദം തമാശയായി പറയുന്നവനിൽ നിന്നും മസ്താകൽ കൊണ്ട് പരിധി വിട്ട വനിൽ നിന്നും ത്വലാഖ് സംഭവിക്കും.

فِرَاق വേർപിരിയൽ
طَلاَق/سَرَاح ഒഴിവാക്കൽ
صَرِيح വ്യക്തമായത്
كِنَايَة സൂചന
مُشْتَقّ പിടിക്കപ്പെട്ടത്
تَرْجُمَة പരിഭാഷ
هَازِل തമാശ പറയുന്നവൻ
والطلاق ......... أو مكروه
ത്വലാഖ് ചിലപ്പോൾ വാജിബോ അല്ലെങ്കിൽ സുന്നത്തോ അല്ലെങ്കിൽ ഹലാലോ അല്ലെങ്കിൽ ഹറാമോ അല്ലെങ്കിൽ കറാഹത്തോ ആയിരിക്കും.

فالاول : كطلاق ............ أربعة اشهر
ഒന്നാമത്തേത് സംയോഗത്തെ ഉദ്ധേശിച്ചിട്ടില്ലാത്ത മൂലിയുടെ ത്വലാഖ് പോലെ. മൂലി എന്നാൽ നിരുപാധികമോ അല്ലെങ്കിൽ നാല് മാസത്തിന് മുകളിലോ തന്റെ ഭാര്യയെ സംയോഗം ചെയ്യുകയില്ലെന്ന് സത്യം ചെയ്തവനാണ്

والثاني : كطلاق ......... خلقها
രണ്ടാമത്തേത് അവൾക്ക് നൽകേണ്ട അവകാശങ്ങളിൽ വീഴ്ച വരുമെന്ന് ഭയപ്പെട്ടതിന് വേണ്ടി യോ അല്ലെങ്കിൽ അവളുടെ സ്വഭാവം മോശമായതിന് വേണ്ടിയോ ഒരു പുരുഷൻ ത്വലാഖ് ചൊല്ലുന്നത് പോലെ .

والثالث : كطلاقه ...... بمؤنتها
മൂന്നാമത്തേത് അവൾക്ക് ചെലവ് നൽകാൻ മനസ്സ് സമ്മതിക്കാത്തത് കൊണ്ടും അവളോട് താൽപര്യമില്ലാത്തത് കൊണ്ടും ഒരാൾ ത്വലാഖ് ചൊല്ലുന്നത് പോലെ .

والرابع : كطلاقه ... جامعها فيه
നാലാമത്തേത് ഹൈളിലോ അല്ലെങ്കിൽ അവൻ അവളെ സംയോഗം ചെയ്ത ശുദ്ധിയിലോ അവൻ ത്വലാഖ് ചൊല്ലുന്നത് പോലെ .

والخامس : طلاق ......... مما ذكر كله
അഞ്ചാമത്തേത് മേൽ പറയപ്പെട്ട എല്ലാ അവസ്ഥകളിൽ നിന്നും രക്ഷപ്പെട്ട ഒരാൾ ത്വലാഖ് ചൊല്ലലാണ്

عدد الطلاق
ത്വലാഖിന്റെ എണ്ണം

اقل الطلاق ................ ثلاث
ത്വലാഖിൽ ഏറ്റവും കുറഞ്ഞത് ഒരു തവണയും കൂടിയത് മൂന്ന് തവണയുമാണ്.

ويكره .......... ........كراهة
അത്യാവശ്യത്തിനല്ലാതെ ത്വലാഖ് ചൊല്ലൽ കറാഹത്താണ് . മൂന്ന് ത്വലാഖും ഒരുമിച്ച് ചൊല്ലൽ ശക്തമായ കറാഹത്താണ്.

ومن اطلق ................ واحدة
ഒരാൾ എണ്ണം വ്യക്തമാക്കാതെ ത്വലാഖ് ചൊല്ലിയാൽ അവൻ കരുതിയത് സംഭവിക്കും. എണ്ണം കരുതിയിട്ടില്ലെങ്കിൽ ഒരു ത്വലാഖ് സംഭവിക്കും.

ومن شك ............ هو الاولى
ഒരാൾ ത്വലാഖിൽ സംശയിച്ചാൽ ത്വലാഖ് സംഭവിക്കുകയില്ല. എണ്ണത്തിൽ സംശയിച്ചാൽ ഏറ്റവും കുറഞ്ഞത് സംഭവിക്കും അവിടെ സൂക്ഷതമത പാലിക്കലാണ് ഏറ്റവും നല്ലത്.

واذا طلقها ......... الى نکاحي
ഒരാൾ അവളെ പ്രതിഫലത്തിന് പകരമല്ലാതെ ഒന്നോ രണ്ടോ ത്വലാഖ് ചൊല്ലിയാൽ ഇദ്ധയുടെ കാലം കഴിയുന്നതിന്റെ മുമ്പ് " എന്റെ ഭാര്യയെ എന്റെ നികാഹിലേക്ക് ഞാൻ തിരിച്ചെടുത്തു " എന്നത് പോലോത്ത മുനജസായ (മറ്റൊന്നിനോട് ബന്ധിപ്പിക്കാത്ത) പദം കൊണ്ട് അവളെ അവന് തിരിച്ചെടുക്കാവുന്നതാണ്.

ويسن الاشهاد على الرجعة
തിരിച്ചെടുക്കുന്നതിന് സാക്ഷിയെ വെക്കൽ സുന്നത്താണ് .

فاذا انقضت ......... جديد
ഇദ്ധയുടെ കാലം കഴിഞ്ഞാൽ തിരിച്ചെടുക്കാൻ പറ്റില്ല. എങ്കിലും പുതിയ നികാഹിലൂടെ അവന് അവളെ വിവാഹം ചെയ്യൽ അനുവദനീയമാണ്.

فان راجع ......... من الطلاق
തിരിച്ചെടുക്കുകയോ നികാഹ് പുതുക്കുകയോ ചെയ്താൽ ത്വലാഖിൽ നിന്നും അവശേഷിക്കുന്നതുമായി അവൾ അവനിലേക്ക് മടങ്ങിവരുന്നതാണ്.

والرجعية ......... والمباشرة
തിരിച്ചെടുക്കാൻ പറ്റുന്ന പെണ്ണ് അനന്തരവകാശത്തിലും ചെലവിലും തന്റെ ഭാര്യയെ പോലെയാണ്. കാണലും ലൈംഗിക ബന്ധവും ഹറാമാകുന്നതിൽ വേർപിരിഞ്ഞവളെ പോലെയാണ്.

واذا طلقها ............... عدتها منه
അവൻ അവളെ മൂന്ന് ത്വലാഖും ചൊല്ലിയാൽ അഞ്ച് ശർത്വുകളോട് കൂടെയല്ലാതെ അവൾ അവന് അനുവദനീയമാകുകയില്ല. 1- അവനിൽ നിന്നുള്ള അവളുടെ ഇദ്ധ കഴിയുക. 2- അവളെ മറ്റൊരാൾ വിവാഹം കഴിക്കുക. 3 - അയാൾ അവളുമായി ലൈംഗിക ബന്ധത്തിൽ ഏർപ്പെടുക. 4- അയാൾ അവളെ ത്വലാഖ് ചൊല്ലുക. 5 - അയാളിൽ നിന്നും അവളുടെ ഇദ്ധ കഴിയുക.

الفسخ والخلع بجوز فسخ ...... الآتية
താഴെ പറയുന്ന കാരണങ്ങളിൽ നിന്ന് ഒന്നിന് വേണ്ടി നികാഹിനെ فَسْخ ചെയ്യൽ അനുവദനീയമാണ്.

عيب النكاح ............ واعسار الزوج
1- നികാഹിനെ ന്യൂനത. ഭ്രാന്ത് പോലെ 2- ശർത്വിന് വൈരുദ്ധ്യം സംഭവിക്കൽ . നല്ല വനാകൽ പോലെ . 3 - ഭാവനക്ക് വൈരുദ്ധ്യം സംഭവിക്കൽ . ന്യൂനതകളിൽ നിന്ന് രക്ഷപ്പെടൽ പോലെ . 4- ഭർത്താവ് ദരിദ്രനാകൽ .

فلكل ......... في الاخيرة
ആദ്യത്തെ മൂന്ന് കാര്യങ്ങളിൽ ഭാര്യ ഭർത്താക്കൻമാരിൽ നിന്ന് ഓരോരുത്തർക്കും അവസാനത്തെ കാര്യത്തിൽ ഭാര്യക്ക് മാത്രവും തിരഞ്ഞെടുക്കൽ അനുവദനീയമാണ്.

والفرقة ......... الخلع
പ്രതിഫലത്തിന് പകരം വേർപിരിയലാണ് ْ خُلْع يصح ............. او مفاداة
ത്വലാഖിന്റെ യോ ِخُلْعന്റെയോ മുഫാദാത്തിന്റെയോ പദം കൊണ്ട് ത്വലാഖ് അനുവദനിയമാകുന്നവരിൽ നിന്നും ْخُلْع അനുവദനീയമാകും.

العدة
ഇദ്ധ

العدة مدة ......... زوجها
ഇദ്ധ : എന്നാൽ ഭർത്താവിന്റെ വേർപിരിയലിന് ഉടനെ സ്ത്രീ പ്രതീക്ഷിച്ചിരിക്കുന്ന കാലയളവാണ്.

شرعت اصالة ............. والاشتباه
അടിസ്ഥാനപരമായി ഇദ്ധയെ നിയമമാക്കപ്പെട്ടത് അവളുടെ ഗർഭപാത്രം സുരക്ഷിതമാണെന്ന് അറിയാൻ വേണ്ടിയും തറവാടിനെ കൂടിക്കലരലിനെ തൊട്ടും തിരിച്ചറിയാതിരിക്കലിനെ തൊട്ടും സംരക്ഷിക്കാൻ വേണ്ടിയുമാണ്.

وتجب بثلاثة ............. وفاة زوج
മൂന്ന് കാരണങ്ങൾ കൊണ്ട് ഇദ്ധ നിർബന്ധമാകും. 1- സംയോഗത്തിന് ശേഷം ത്വലാഖ് കൊണ്ടോ ഫസ്ഖ് കൊണ്ടോ ഭർത്താവ് വേർപിരിയൽ. 2- ശുബ്ഹത്തിന്റെ സംയോഗം. (ഭാര്യയാണെന്ന് കരുതി മറ്റൊരു സ്ത്രീയെ സംയോഗം ചെയ്യൽ ) 3 - ഭർത്താവിന്റെ മരണം.

فعدة الفرقة ........... إن كانت تحيض
വേർപിരിയലിന്റെയും ശുബ്ഹത്തിന്റെയും ഇദ്ധ : ഹൈളുണ്ടാകുന്നവളാണെങ്കിൽ മൂന്ന് ശുദ്ധികളുടെ സമയമാണ്.

وبثلاثة اشهر .......... من الحيض
ഹൈളുണ്ടാകാത്തവളോ ഹൈള് നിലച്ചവളോ ആണെങ്കിൽ 3 ചന്ദ്ര മാസങ്ങളാണ്

وبوضع ........ حاملا
ഗർഭിണിയാണെങ്കിൽ പ്രസവിക്കുന്നത് വരെയാണ് .

والمطقة .......... فلا عدة عليها
സംയോഗത്തിന് മുമ്പ് ത്വലാഖ് ചൊല്ലപ്പെട്ടവളുടെ മേൽ ഇദ്ധയില്ല.

وعدة الوفاة ....... حاملا
ഭർത്താവ് മരിച്ചാലുള്ള ഇദ്ധ : ഗർഭിണിയാണെങ്കിൽ പ്രസവിക്കുന്നത് വരെയാണ്.

و الا فبأربعة ........... ايام
ഗർഭിണിയല്ലെങ്കിൽ നാല് മാസവും പത്ത് ദിവസവുമാണ്.

و يجب فيها .......... والاطراف
ഇദ്ധയിൽ ഇഹ്ദാദ് നിർബന്ധമാണ്. ഇഹ്ദാദ് എന്നാൽ സുഗന്ധം ഉപയോഗിക്കൽ, ചായം പൂശിയ വസ്ത്രം ധരിച്ച് ഭംഗിയാകൽ , പകലിൽ ആഭരണം അണിയൽ , ആവശ്യമില്ലാതെ സുറുമയിടൽ, തലയിൽ എണ്ണ തേക്കൽ, മുഖത്തും കൈകാലുകളിലും ചായം പൂശൽ എന്നീ കാര്യങ്ങൾ ഉപേക്ഷിക്കലാണ്.

وحل تنظف ........ اظفار
കുളിക്കൽ, മൂടിചീകൽ , ക്ഷൗരം ചെയ്യൽ, നഖം മുറിക്കൽ എന്നിവ കൊണ്ട് വൃത്തിയാവൽ അനുവദനീയമാണ്.

حقوق المعتدة
ഇദ്ധയിരിക്കുന്നവളുടെ അവകാശങ്ങൾ

على الزوج ............... مع نحو محرم
ഇദ്ധ: യിരിക്കുന്നവളുടെ താമസ സൗകര്യം ഒരുക്കൽ ഭർത്താവിന്റെ മേൽ നിർബന്ധമാണ്. അവളുമായി ഏകാന്തനാകലും അവളോടൊന്നിച്ച് താമസിക്കലും വിവാഹ ബന്ധം ഹറാമായവരോടൊപ്പമല്ലാതെ അവളുടെ അടുത്തേക്ക് പ്രവേശിക്കലും അവന്റെ ഹറാമാണ്.

وعليها ................ انقضاء العدة
ഭർത്താവ് വേർപിരിയുന്ന സമയത്ത് അല്ലെങ്കിൽ ഭർത്താവ് മരിക്കുന്ന സമയത്ത് അവൾ ഉണ്ടായിരുന്ന വീട്ടിൽ ഇദ്ധ കഴിയുന്നത് വരെ താമസിക്കൽ അവളുടെ മേൽ നിർബന്ധമാണ്.

فلا تخرج ............ ... البائن الحامل
അപ്പോൾ അവൾ ആ വീട്ടിൽ നിന്ന് ആവശ്യത്തിനോ അനിവാര്യതക്കോ വേണ്ടിയല്ലാതെ പുറത്ത് പോകരുത്. ഈ പറഞ്ഞത് തിരിച്ചെടുക്കാൻ പറ്റുന്ന സ്ത്രീയും ഗർഭിണിയായ ഒഴിവാക്കിയവളും അല്ലാത്തവരിലാണ്.

فلا تخرجان ........ الزوج
അപ്പോൾ അവർ രണ്ട് പേരും ഭർത്താവിന്റെ സമ്മതത്തോടു കൂടി അനിവാര്യമായ കാര്യത്തിന് വേണ്ടിയല്ലാതെ പുറത്ത് പോകരുത്.

وتصدق .......... عدتها
ഇദ്ധയുടെ സമയം കഴിഞ്ഞു എന്ന വിഷയത്തിൽ സ്ത്രീയെ അവളുടെ സത്യം ചെയ്യൽ കൊണ്ട് അംഗീകരിക്കപ്പെടണം.

مَصْبُوغ ചായം പൂശിയത്
تَزَيُّن ഭംഗിയാകൽ
تَنَظُّف വൃത്തിയാകൽ
خِضَاب ചായം പൂശൽ
اِمْتِشَاط മുടി ചീകൽ
اِسْتِحْدَاد ക്ഷൗരം ചെയ്യൽ (ഗുഹ്യരോമങ്ങൾ കളയൽ)
قَلْمُ اَظْفَار നഖം വെട്ടൽ